Ndriwo

-
No tandra zumange ba Danö Niha na lataba nono mbawi
(Gunungsitoli, 4 Jul 2008. Arsip pribadi)


Ndriwo ma diwo ba li yöu no fehede ni'oguna'ö niha ba Danö Niha ba nagole si tobali faosatö gö na manga ira.

Eluaha wehede ndriwo

Me föna so tölu faosatö gö ba Danö Niha: gowi, ndriwo ba bulu-geu. Ba hiza i'otarai me tebörögö wananö fakhe ba ginötö wamareta presiden Soeharto itugu laröi wemanga gowi niha irege hatö fakhe mboto gö ni'ara. Börö da'ö faosatö gö no tobali: fakhe, ndriwo ba bulu-geu.

Ndriwo no fefu gö moroi ba nagole. Eluahania ndriwo andrö tola nagole manu, mbebe, mbawi, zökha, gi'a ba tanö bö'önia. Ba hiza lö asese manga mbebe, zökha, gi'a ba tanö bö'önia niha ba Danö Niha me föna. Börö da'ö na laŵaö ndriwo si lö tola lö'ö ba dödöra nagole manu ba nagole mbawi.

Ma'ökhö no oya gö tanö bö'ö si tobali ndriwo si tola la'öli ba zogale. Töra-töra niha si toröi ba zahatö ba ngai nasi ma zui sahatö ba fasa segebua si mane ba Gunungsitoli, Teluk Dalam ba ba mbanua tanö bö'ö. Heŵa'ae si manö, ato na sa niha ba Danö Niha samakhai ndriwo faoma nagole mbawi ba nagole manu na laŵaö, "He sibaya, hadia so ndriwoda khöu?".

Guna wemanga nagole ba mboto

Moguna sibai ba mboto wemanga nagole, börö me tesöndra oya nifotöi protein, vitamin ba mineral bakha ba nagole. Duma-dumania moguna khö mboto nifotöi zat besi,[1] sambua mineral si so ba nagole. Zat besi andre hulö moto sanörö-nöröi fefu ndroto-ndroto mbotoda ba wolohe nifotöi oksigen soguna sibai ba ndro. Börö da'ö niha so'amböta zat besi tola göna ia fökhö nifotöi anaemia:[2] oi manö lö döla-döla, adogo-dogo hanu-hanu, mamözi-mözi dödö ba tobali afusi-fusi guli.

Töra-töra ba ginötö me mangebua ndraono si mane ba ndröfia zikola SMP irugi SMA ma zui ba ginötö irugi mbaŵa ndra alawe (mangahori ndro) moguna sibai zat besi. Na lö lala wamönösi ya'ia faoma nagole ma zui fangali nagole si mane nitutunö sitou, moguna la'a onönöa zat besi nifotöi suplemen ba li Indonesia si tola la'öli ba fasa ma zui ba apoti.

Ba hiza moguna tetöngöni wa ena'ö tola tahalö suplemen si lö tola lö'ö tafahuhuosi khö doto, börö no ide'ide sibai zu'a-su'ania (8,7mg ero ma'ökhö na iramatua ma 8,7mg-14.8mg na ira alawe). Na töra wanga'ida suplemen zat besi, eluahania töra dosi (kelebihan dosis ba li Indonesia) ba tola so wökhö tanöbö'ö simane lö möi baero nösi dalu (sembelit ba li Indonesia), mofökhö, umuta ba fökhö dalu ma na'i fa'amate töra-töra ba ndraono.

Zu'a-su'a wemanga nagole

Ba hiza fanofuda, ha wa'oya moguna mu'a nagole ena'ö obönö zat besi bakha ba mbotoda? Na molo'ö su'a-su'a nisura ba da'e[3] ba moguna manga 50g nagole manu ba 70g nagole mbawi ero ma'ökhö. Eluahania na sakali samigu mu'a 250g - 500g nagole no tola obönö zoguna ba mboto.

Töra moroi ba da'ö lö sala, ba hiza itugu töra wemanga nagole itugu alio göi we'aso wökhö si mane nifotöi kanker, ya'ia da'ö na so nagole sanöi-nöi manö irege ebua bakha ba mbotoda (tumor ganas).

Fangali nagole

Tenga ha ba nagole tesöndra zat besi andrö. So göi zat besi bakha ba gö si mane nandröta, toru, höwa, ngawalö harita ba ngawalö mbulu-geu.[4] Eluahania na so wamalali-lali ngawalö gö, itaria nagole ba itaria fangali nagole andre ba tola so wa'abönö zat besi soguna ba mboto irege lö göna fökhö anemia ma zui kanker niŵa'ö moroi yaŵa no mege.

Gohe-gohe

1. bbcgoodfood.com, Spotlight on... high-iron
3. bbcgoodfood.com, How much meat is safe to eat
4. bbcgoodfood.com, Spotlight on... high-iron

Note:
This article first appeared on Wikipedia Nias which wa still in incubator stage. However I stopped writing there because of aggressive behaviour of one of its editors, who forced the article to be written in an other more known Nias dialect.

Postingan populer dari blog ini

Kawofo

-
Gambar
Gaga sotöi Corvus caurinus Photo: Gordon Leggett  /  Wikimedia Commons So samösa niha sotöi Kawofo. Samuza ma'ökhö möi ia malu, heŵa'ae moteu-teu. Ba hiza lö ahulu-hulu ia me lö si falukha khönia zökha. Börö da'ö ilau mangawuli ba nomo lö ösi-ösi danga. Ba dalu lala i'ila samösa ndra alawe sobogö-bogö gönia talö ba dete galitö. Ba ihatö'ö ia Gawofo, me omasi ia moleu ya'ia ba galitö ba wangokoli'ö barunia. Ba me arakhagö irugi zinga galitö, muhede gaga yaŵa ba hogu geu, imane: "A! a!" Itema linia Kawofo: "Hadia ni'agu na lö same'e khögu?" Ba muhede zui gaga imane: "A! a!" Ba imane linia ira alawe andrö: "Hadia ube'e na lö sangandrö khögu?" Ba si manö, omasi mena Gawofo wemanga talö, ba hiza lö ibe'e khönia ira alawe andrö. Ba simanö göi ndra alawe andrö, edöna ibe'e sa dalö andrö mena'ö, ba hiza lö ni'andrö Gawofo. Gohe-gohe Musura mangawuli moroi ba nitutunö H. Sundermann bakha ba zinurania
Read more »

La'a-la'a gowi (cerpen)

-
Gambar
Ngawalö gowi nifamawa ba sambua Supermarket ba Inggris (18 Jul 2011. Arsip pribadi) Lö aröu sibai gowi si möi ya’aga. Lö na i ahori sara nafo ba no murugi ia. Anehe sibai ndra’o da'ö, börö me ero marugi ia, inganga-nganga na sa nafonia inagu na ibörötaigö wohalöŵö. Ba hiza ma'ökhö no fabö'ö manö moroi ba zi to'ölö. "Hana, Na?" ubali'ödo furi. "Lö wö, nogu. Ha abua dölagu ma’ifu," itema ligu. "Ba hana no afusi mbawau, Na?" Lö hede-hedenia. Ifa’ese ia ma’ifu ba ilau dumadao ba dete gara-kara si so ba zinga lala andrö. Ufakhölö ndra’o ba u’ila sambua moyo si hombo-hombo ba dalu mbanua. No baga-baga sibai wohombonia. Sökhi sibai. Hulö zanari-nari, abölö töra sökhi moroi ba wanari Nina Wombörö, niha sabölö onekhe manari ba mbanuama. Urongo li sadö’u-dö’u, itugu ara itugu abölö-bölö. “Hana wa me’e ndra’ugö, Na?” Uhatö’ö ndra’o. U’ila nidanö hörönia mangatoru tou ba gahitania. Itörö tödögu wa asese ihagi-hagi ndra’o ba gahitania andrö me föna
Read more »

Sihönöfao ba Gaza

-
Gambar
Fatele Alain Secretan (a.k.a. ASITRAC) / CC BY-SA Me föna  so zalaŵa  so töi  Sihönöfao  si raya ba Hilizihönö . So khönia fulu nono matua. Samuza ma'ökhö maoso Zihönöfao, möi ia tobali tome khö mbalugu Gaza ba Hiliganöwö. I'ohe fao khönia nononia si dafulu awö ndra niha mbanuania, mato daotu ira fefu. Ba imane balugu Gaza: "Salaŵa sebua domeda andrö ba ato göi nawönia fao. Börö da'ö ni'ebua'ö ndriwora, nifosumange ira!"  Ba ifafahö lima nga'eu mbawi so zi fulu alisi ba so göi zi fa sazilo. Ihalö wiga segebua ba figa tanö bö'ö ba ifönui faoma zimbi ba fakhe. A'oi afönu wiga, tenga ha ma'ima'ifu. Ba labörötaigö wemanga. Me luo da'ö so göi huku ba ndraono niha, wa lafuli ösa mbalö gö ba mube'e si bakha ba zowatö. Ba imane balugu Sihönöfao: "Alimagö na takhete göda andre khöra. Data'a ndrohu-ndrohu ni'ada ba si tebai ta'a talöwösi, ta'ohe ba nomoda, öda ba ö zoroiyomoda." Ba latema lakhete ma'
Read more »